ҚАРАША ЖАҢАЛЫҚТАРЫ (2019-2020 ОҚУ ЖЫЛЫ)

Басты бетке

Мектеп-лицейімізде салауатты өмір салтын сақтап,оқушылар арасында ұлттық ойындарды насихаттау мақсатында 8 сынып оқушыларының арасында ұлттық ойындардан мектепішілік жарыс өтті."Асық ату", "Бес тас" ойындары бойынша 78 оқушы қатысып, нәтижесінде
I ші орын 8-б,
II ші орын 8-ә,
III орын 8-г сыныптары жеңіп алды.Жеңіс тұғырынан көрінген оқушыларды құттықтаймыз!

Мектеп-лицейіміздің 8-10 сынып оқушыларына "ARQALAN" мектебі мамандық таңдау жөнінде мастер-класс өткізді. Қазіргі еңбек нарығындағы ахуалды ала отырып, саналы түрде кәсіби өмірге жол таңдау маңызын түсіндірді. Оған қоса, әлемнің ең үздік университеттеріне түсу барысындағы керекті көрсеткіштерді атап, академиялық жетістіктерге қоса әлеуметтік шаралардың рөлін атап айтты. Соңында оқушылар топтарға бөлініп, өз бизнес идеяларын ұсынып, кері байланыс орната алды. Маркетинг негіздерін кәсіби бағытта қолдану үлгілерімен танысты. Ағылшын деңгейін анықтайтын тест тапсырып, келесі сабақтан бастап ағылшын тілінде кәсіби білім алатынына көз жеткізді. Жасөспірімдерді бәсекеге қабілетті болу философиясына баулып, өз дарындылықтарын әрі қарай ұштауға ынталандырады.

Мектеп - лицейімізде ала допқа аңсары ауып, болашақта танымал футболшы болғысы келетін оқушылар "Арландар" футбол клубының негізін қалаған Фазылбек Әбсаттарұлымен кездесті. Аула командасын әуесқой футбол командасына айналдырған Фазылбек Әбсаттарұлымен оқушыларымыз футбол клубының тарихы мен жеткен жетістіктері жайлы мағлұмат алды.Футбол әлеміне қызығушылығы артқан оқушыларымыз "Арландар" клубының іріктеу кезеңіне жолдама алды.

Бүгін "Есіл" ауданы әкімдігі, ҚР Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департаменті, «Астана – адалдық алаңы» жобалық кеңсесі және Нұр-Сұлтан қаласының Білім басқармасының ұйымдастыруымен қалалық деңгейде «Парасатты  отбасы» байқауы өтті. Байқау кезеңдері «Отбасымның тарихы», «Менің отбасым» тақырыбында отбасы шығармашылығы қамтылған бағыттардан тұрды. Мектеп-лицейіміздің ата-анасы Еркебұлан Қайназар жары Харигазы Майгүл және мектебімізде тәлім алатын балапандары Әбілхан Нарұлан, Әбілхан Бірғаным өте жоғарғы деңгейде өнер көрсетіп, 15 мектептің ішінен бас жүлде иеленді. Мерейі асқақтаған отбасы қалалық байқауға тікелей жолдама алды.

"EDTECH-KZ" халықаралық білім орталығының бас директоры, "Қазақ психологтар қоғамының" бірінші вице-президенті, психология ғылымының докторы, ЮНЕСКО клубының басшысы, кәсіпкер Бейсенбав Ғани Бекетайұлы мектеп-лицейіміздің 7-ші сынып оқушыларымен тренинг өткізді.Өз өмір жолын жоспарлау, енжарлықтан құтылудың жолдары, мақсатқа жетудің бағыттары туралы пайдалы ақпараттармен таныстырды. Оқушыларымыз  ойын арқылы өз ойларын ортаға сала отырып, өздерін қызықтарған сұрақтарына қанағаттанарлық жауап алды.

Мектеп-лицейімізде "Мұғалім-оқушы" қарым-қатынасы және оның оқу мен оқытудағы маңыздылығы тақырыбы аясында "Сторителлинг" форматындағы конференция өтті. Конференцияға №8 ОМ,№67 МГ ұстаздары бұл жобаның бағыт-бағдарымен танысу үшін қатысты. "Сторителлинг" форматында берілген тақырып аясында мектеп- лицейіміздің спикерлері өздерінің тәжірибелерімен бөлісті:
1.Саирова Бейбіткүл Бияхметовна "Президентпен түскен фото."
2.Жусупова Салтанат Хамитовна "Ақиқат"
3. Абдирова Ляззат Амановна "Кикілжіңді шешу жолдары"
4. Балгазина Кымбат "Жеңіс және жеңілу"
5. Жәнділдаева Жұмагүл "Құм ішіндегі бір мезет"
6. Шнанов Өтілбек "Шежіре" Аталған сторителлерлер өздерінің оқиғаларын пайдалана отырып оқушылардың бойына қалай тәлім- тәрбие, мотивация, сенімділік, рух беру жолдарын айтып өтті.

Мектеп-лицейімізде Әлихан Бөкейхан туралы кеңінен насихаттай отырып, ұлттық ойындарды дамыту мақсатында "Асық ойындарынан Әлихан Бөкейхан атындағы кубок" атты қалалық жарыс өтті. "Асық ату", "Бестас" ойындары қамтылған бұл жарыста 9 команда қатысып жеңіс тұғырынан көрінген командалар оқ бойы оза шапты.
Нәтижесінде
I ші орын № 24 орта мектеп;
II ші орын №76 мектеп-лицей;
III орын №18 орта мектеп алды.
Жеңіске жеткен командаларды құттықтаймыз!

Бүгін №76 мектеп-лицейінде "Vпереработку" эко сағаты өтті. Оқушылар мектебімізде орналасқан ТҚЗ жинау пунктіне 205кг 498 г қоқыс тапсырып, қайта өңдеуге жіберді. Сонымен қатар 8-сынып оқушылары арасында Экоквест өткізілді. Ойын барысында оқушылар өзін-өзі басқару ұйымының белсенділері мен "Жас-Ұлан" балалар мен жасөспірімдер ұйымы дайындаған сұрақтарға жауап құрастырып, топтық жұмыстарын белсенді көрсете білді.

Мектеп - лицейімізде 5-7 сыныптар арасында аргументтеп сөйлеу өнеріне арналған "Түнгі қала" мафия ойыны өтті. Ойынның мақсаты - өз ойын аргументтеп жеткізуге дағдыландыру. Мафия интеллекттердің қақтығысы. Ол математикалық және психологиялық шахмат ойнына пара пар. Көтеріңкі көңіл-күймен жалғасқан бұл ойында оқушылар креативті ойлауды, аргументтеп фактімен дәлдеп сөйлеуді, адамның эмоциясын бақылауды үйренді.

Мектеп- лицейімізде 8-9 сынып оқушылары белгілі журналист, танымал блогер Өркен Кенжебекпен кездесті. Оқушыларымызбен әлеуметтік желі және медиа нарық мәселелері төңірегінде әңгіме өрбітті. Өзінің өмірлік тәжірибесімен бөлісіп, блогерліктің қыр-сырымен таныстырды. Сонымен қатар, болашақ журналисттің бойынан табылуы қажет басты қасиеттерге тоқталып, оқушыларымыздың көкейдегі сауалдарына жауап беріп үлгерді.Бір сағаттан астам уақытқа созылған басқосудан оқушылар өз мамандықтарына қатысты пайдалы ақпарат алумен қатар, мамандық таңдауда жаңылыспау керек екенін түсініп қайтты.

28 қарашада мектеп-лицейде "Оқушыға бағытталған оқу ортасы" тақырыбында педагогикалық workshop өтті. Workshopқа НЗМ ПШО білім мекемелері басшыларының біліктілік арттыру курсынан өтіп жатқан СҚО, ШҚО, Қостанай, Қарағанды облыстарының және Нұр-Сұлтан қаласының мектеп директорлары мен директордың орынбасарлары қатысты. Қонақтар LS сабақтарына қатысты және сабақтан кейінгі талдау үдерісін бақылады. Сонымен қатар қонақтарға оқу мен оқытудағы эмоционалды интеллект, сторителлинг, цифрлық ресурстар, қалыптастырушы бағалау бойынша да бірнеше сабақтар ұсынылды.Мектептегі жаңа жобалармен, заманауи оқу кабинеттерімен, Әлихан Бөкейхан мұражайымен танысты. Мектеп-лицей директоры "Ұжымды табысқа жеткізетін құзыреттіліктер" тақырыбында командалық коучинг өткізді.

ҚР Тұңғыш Президенті күні қарсаңында ҚР Парламент мәжілісінің депутаты, ҚР еңбек сіңірген қайраткері, актер, әнші, компазитор, #76 МЛ қамқоршылық кеңес мүшесі Нұрлан Әлімжанов жасөспірімдерге рух сағатын өткізді. Жасөспірімдерге мақсатқа жету, ұлттық намыс, білім мен тәрбиенің үйлесімі, еңбектену, үздіксіз оқу жайында өзінің өміріндегі сәттермен байланыстыра отырып әңгімелеп берді. Мамандық таңдауға, өзіңді дамытуға және достыққа байланысты да өзінің кеңестерін беріп, үлгі көрсетті. Өлең оқыды, оқушылардың сұрақтарына жауап берді. Кездесу соңында оқушылар Нұрлан ағаларын ұзаққа дейін босатпай, жеке сұрақтарын қойып, естелік суретке түсті.

Тұңғыш Президент күні қарсаңында жастармен рух сағатын жүргізуге ҚР мәдениет қайраткері, жазушы, қоғам қайраткері Ұлытау ауданының құрметті азаматы Серік Тілеубаев келді.Серік ата тәуелсіз Қазақстанның қалыптасу тарихы, тәуелсіздік жылдардағы қиындықтар мен жетістіктер жайлы әңгімеледі. 1993 жылы Елбасы Н.Назарбаевтың Ұлытауға сапарында киелі Хан ордасына тағзым жасаған сәттегі естеліктермен бөлісті.

ҚыркүйекҚазан | Қараша | Желтоқсан | Қаңтар|
Ақпан |Наурыз | Сәуір | Мамыр |

snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake snowflake